XI Olimpiada Española de Economía, na Universidad Complutense
Trevisani encargouse da secretaría técnica deste gran evento
A Facultad de Ciencias Económicas y Empresariales da Universidad Complutense de Madrid organizou e acolleu a XI edición da Olimpiada Española de Economía, os días 25, 26 e 27 de xuño.
Nesta edición, a olimpíada económica contou coa participación de 134 estudantes procedentes de 123 institutos de ensino secundario do conxunto de España.
Os cinco primeiros clasificados acudirán a a Olimpíada Internacional de Economía, que se celebrará en San Petersburgo (Rusia) do 23 de xullo ao 21 de agosto.
Tamén estiveron presentes 64 profesores de secundaria e 61 das 45 universidades organizadoras.
Designouse á Universidad Pablo Olavide de Sevilla como anfitrioa da fase final da próxima edición.
A cita en Madrid seguíu á celebrada en 2018 en Santiago de Compostela.
O bo sabor de boca deixado pola edición en Galicia propiciou que a empresa de organización de eventos Trevisani volvese ser requirida para a organizada desde a Universidad Complutense.
Un amplo programa para un evento de altura
O acto inaugural da Olimpiada celebrouse no Paraninfo de San Bernardo, coa asistencia da ministra Nadia Calviño e o reitor da Complutense Joaquín Goyache.
Os participantes visitaron o parqué da Bolsa de Madrid, onde se desenvolveu o cóctel de benvida.
No programa social tamén foi salientable a actuación do elenco do musical Sister Act.
A cea de gala foi na Galería de Cristal do Palacio de Cibeles, sede oficial do Ayuntamiento de Madrid.
No acto de clausura participaron o director general de Planificación y Gestión Educativa do Ministerio de Educación, Diego Fernández; e mailo viceconsejero de Economía y Competitividad da Comunidad de Madrid, Javier Ruiz.
Fins da Olimpiada Española de Economía
A Asociación Olimpiada Española de Economía ten tres fins principais:
- a divulgación dos estudos de Economía e Economía da Empresa
- premiar o esforzo e a excelencia académica dos estudantes de bacharelato
- establecer e fortalecer vínculos estables entre o ensino universitario e outros niveis educativos
A profesora da Universidad de Valencia, Mari Luz Marco é a presidenta da Asociación Olimpiada Española de Economía.
Angueiras de Trevisani na XI Olimpiada Española de Economía
Entre as funcións de Trevisani neste evento estiveron:
- Secretaría técnica
- Administración xeral do evento
- Xestión de hoteis
- Coordinación xeral
